មន្ទីរកិច្ចការនារីខេត្តរតនគិរី៖
នាថ្ងៃពុធ ១២រោច ខែជេស្ឋ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី១៧ ខែមិថុនា គ.ស២០២០ លោកស្រី វ៉ាត់ អៀងហេង ប្រធានមន្ទីរកិច្ចការនារីខេត្តរតនគិរី និងក្រុមការងារ បានសហការជាមួយ គណៈកម្មាធិការទទួលបន្ទុកកិច្ចការនារី និងកុមារ ឃុំឡាមិញ និង ឃុំកិះចុង រួមទាំងមេភូមិ បានចុះផ្សព្វផ្សាយស្ដីពី ការបង្ការទប់ស្កាត់ការីករាលដាលនៃជម្ងឺកូវីដ១៩ និងបញ្រ្ជាបការបង្ការទប់ស្កាត់ការរៀបអាពាហ៍ពិពាហ៍វ័យកុមារ និងការមានផ្ទៃពោះវ័យជំទង់ ដល់ប្រជាពលរដ្ឋដែលរស់នៅក្នុងភូមិត្រុំ និងភូមិជ្រុង ស្រុកបរកែវ ។
ប្រជាពលរដ្ឋបានយល់ដឹងពីវីរុសកូវីដ 19 និងមានការប្រុងប្រយ័ត្នជានិច្ច។ ជនជាតិដើមភាគតិចមានបញ្ហាប្រឈមនឹងការរៀបការវ័យក្មេង និងមានផ្ទៃពោះវ័យជំទង់ ដូច្នេះមន្ទីរកិច្ចការនារី និងអង្គការដៃគូបានចុះមកដល់មូលដ្ឋានដើម្បីផ្សព្វផ្សាយ ដល់ពួកគាត់៕
